கோடிக் கணக்கான சாட்சிகள்
பெருவெள்ளம் பாய்கின்ற ஆற்றில்
விட்டு எறியப்பட்ட சில கூழான்கற்களைப் போல
நமக்கென்று நமக்குள்ளே
மறைத்துக்கொள்ளும் பல ரகசியங்கள்
மண்டையோடு வுடைத்தும்
மூளையைக் கலக்கியும்
கசியாமல் கிடக்கின்றன சில உண்மைகள்
மரணங்களால் கூட எழுப்ப இயலுவதில்லை
சில உண்மைகளை
தலையையும் கால்களையும்
உள்ளிழுத்துக்கொண்ட ஆமையொன்று
மரணித்துப் போனால் எப்படியோ அப்படியாக
எப்படியோ நமக்குள் கிடக்கிற மனிதனை
பொய்களால் அழகுப்படுத்தி
பொய்களைப் பேச வைக்கிறோம்
எறியும் நட்சித்திரங்கள் யாவும்
அறிந்திருக்கின்றன
உண்மைகள் உள்ளுக்குள்
அழுது கொண்டிருக்கும் உண்மையை
கருத்துகள் இல்லை:
கருத்துரையிடுக